মহাশিৱৰাত্ৰি 2024: পূজা প্ৰণালী আৰু শুভ যোগ

এষ্ট্ৰোছেজৰ এই বিশেষ ব্লগটোত আমি আপোনাক মহা শিৱৰাত্ৰিৰ বিষয়ে জনাম আৰু লগতে আমি এই বিষয়েও আলোচনা কৰিম যে এই দিনটোত ৰাশি অনুসৰি কেনেদৰে ভগৱান শিৱৰ অভিষেক কৰা উচিত। মহাশিৱৰাত্ৰি 2024 ৰ সৈতে সম্পৰ্কিত ব্ৰত কাহিনী আৰু বিধি-বিধানৰ বিষয়েও আলোচনা কৰিম। গতিকে আহক পলম নকৰি আগবাঢ়ি যাওঁ আৰু বিস্তৃতভাৱে মহা শিৱৰাত্ৰি উৎসৱৰ বিষয়ে জানো।

ভৱিষ্যতৰ সৈতে জড়িত যিকোনো সমস্যাৰ সমাধান লাভ কৰিব বিদ্বান জ্যোতিষীসকলৰ সৈতে কথা পাতি

হিন্দু বৰ্ষপঞ্জী অনুসৰি প্ৰতি মাহৰ কৃষ্ণ পক্ষৰ চতুৰ্দশী তিথিত মাহেকীয় শিৱৰাত্ৰি ব্ৰত পালন কৰা হয় কিন্তু ফাগুন মাহৰ চতুৰ্দশী তিথিৰ শিৱৰাত্ৰিৰ বিশেষ গুৰুত্ব আছে কিয়নো এই দিনটোক মহাদেৱ আৰু জগত জননী মাতা পাৰ্বতীৰ বিবাহৰ শুভ ৰাত্ৰি হিচাপে বিশ্বাস কৰা হয়। এই পৱিত্ৰ দিনটোত মহাদেৱ আৰু জগত জননী আদিশক্তি মাতা পাৰ্বতীৰ পূজা-অৰ্চনা কৰা হয়। লগতে, ব্ৰত-উপবাস ৰখা হয়। এই উপবাসৰ পুণ্য-প্ৰতাপৰদ্বাৰা বিবাহিত লোকসকলে বাবে সুখ আৰু সৌভাগ্য প্ৰাপ্ত কৰে। লগতে অবিবাহিত লোকসকলৰ শীঘ্ৰে বিবাহৰ যোগ নামে। লগতে, ঘৰলৈ সুখ-সমৃদ্ধি আহে। এই বছৰ মহা শিৱৰাত্ৰিত তিনিটা অতি শুভ যোগ গঠন হৈছে। এই যোগে ভক্তসকলৰ জীৱনলৈ সুখ-শান্তি কঢ়িয়াই আনিব। গতিকে আহক আগবাঢ়ি যাওঁ আৰু 2024 বৰ্ষটোত কেতিয়া পৰিব মহা শিৱৰাত্ৰি, এই দিনটোত কৰিবলগীয়া প্ৰতিকাৰ আৰু বহুতো কথাৰ বিষয়ে অৱগত হওঁ।

মহাশিৱৰাত্ৰি 2024 ৰ শুভ মুহূৰ্ত্ত

হিন্দু পঞ্জিকা অনুসৰি ফাগুন মাহৰ কৃষ্ণ পক্ষৰ চতুৰ্দশী তিথিত 8 মাৰ্চ 2024 তাৰিখ শুক্ৰবাৰে নিশা 10 বজাৰপৰা শিৱৰাত্ৰিৰ শুভ মুহুৰ্ত্ত আৰম্ভ হ'ব আৰু পিছদিনা অৰ্থাৎ 09 মাৰ্চ 2024 শনিবাৰে সন্ধিয়া 06 বাজি 19 মিনিটত সমাপ্ত হ'ব। প্ৰদোষ কালত ভগৱান শিৱ আৰু মাতা পাৰ্বতীৰ পূজা কৰা হয়। সেয়েহে, 8 মাৰ্চত শিৱৰাত্ৰি উদযাপন কৰা হ'ব। এই বছৰ, মহা শিৱৰাত্ৰিত তিনিটা অতি শুভ নিৰ্মাণ হৈ ছে। এই যোগবোৰ হৈছে শিৱ, সিদ্ধ আৰু সৰ্বাৰ্থ সিদ্ধ যোগ। শিৱ যোগক সাধনাৰ বাবে অত্যন্ত শুভ বুলি গণ্য কৰা হয়। এই যোগত কৰা সকলো মন্ত্ৰ শুভ ফলদায়ক হয়। সিদ্ধ যোগৰ ক্ষেত্ৰত ক’ব পৰা যায় যে এই যোগত যি কামেই কৰা হয় তাৰ পৰিণাম ফলপ্ৰসূ হয়। আনহাতে সৰ্বাৰ্থ সিদ্ধি যোগত কৰা প্ৰতিটো কামতে সফলতা অৰ্জন কৰিব পৰা যায় আৰু এই যোগ অত্যন্ত শুভ হয়।

নিশীথ কাল পূজা মুহূৰ্ত্ত : 09 মাৰ্চৰ মধ্যৰাতি 12 বাজি 07 মিনিটৰপৰা 12 বাজি 55 মিনিট পৰ্য্যন্ত।

অৱধি: 0 ঘণ্টা 48 মিনিট

মহাশিৱৰাত্ৰি পাৰণ মুহূৰ্ত্ত : 09 মাৰ্চ ৰাতিপুৱা 06 বাজি 38 মিনিটৰ পৰা 03 বাজি 30 বজা পৰ্য্যন্ত।

এয়াও পঢ়ক: ৰাশিফল 2024

পূজা মুহূৰ্ত্ত

মহাশিৱৰাত্ৰি 2024 ৰ দিনা পূজাৰ সময় হৈছে সন্ধিয়া 06 বাজি 25 মিনিটৰপৰা 09 বাজি 28 মিনিট পৰ্য্যন্ত। এই সময়খিনিত ভগৱান শিৱ আৰু মাতৃ পাৰ্বতীৰ পূজা কৰাটো শুভ হিচাপে প্ৰমাণিত হয়।

মহাশিৱৰাত্ৰি : 300 বছৰৰ পিছত শুভ যোগ

এই বছৰৰ মহা-শিৱৰাত্ৰিক এই কাৰণে বিশেষ বুলি গণ্য কৰা হৈছে কিয়নো এই বছৰ 300 বছৰৰ পিছত এক অতি বিৰল সংযোগ সৃষ্টি হৈছে। প্ৰকৃততে এই বছৰ মহা-শিৱৰাত্ৰিত শিৱ যোগ থাকিব, ইয়াৰ উপৰিও এই দিনটোত সৰ্বাৰ্থ সিদ্ধি যোগো গঠিত হ’ব। ইয়াৰ উপৰিও এই দিনটোত গ্ৰহবোৰৰ গতিও অতি শুভ হ'ব। মহা শিৱৰাত্ৰিত মঙ্গল আৰু চন্দ্ৰৰ সংযোজন মকৰ ৰাশিত হ'ব, শুক্ৰ-শনি-সূৰ্যৰ কুম্ভ ৰাশিত ত্ৰিগ্ৰহী সংযোগ সৃষ্টি হ’ব।

এই সকলোবোৰ বিশেষ স্থিতি 2টা ৰাশিৰ বাবে বিশেষভাৱে গুৰুত্বপূৰ্ণ হ'ব। এই ৰাশিকেইটা হৈছে মেষ আৰু মিথুন ৰাশি। এই সময়ছোৱাত ভোলেবাবাৰ কৃপাত এই দুটা ৰাশিচিহ্নৰ সকলোবোৰ স্থগিত হৈ থকা কাম সম্পূৰ্ণ হ'ব, জীৱনত সফলতা লাভ কৰিব, চাকৰি আৰু ব্যৱসায়ত শুভ ফলাফল প্ৰাপ্ত হ'ব আৰু জীৱনৰ প্ৰতিটো কামতে শুভ ফল লাভ কৰিব।

কিয় পালন কৰা হয় মহাশিৱৰাত্ৰি

মহা শিৱৰাত্ৰি উদযাপন কৰাৰ আঁৰত বহুতো পৌৰাণিক কাহিনী প্ৰচলিত আছে, যিবোৰ নিম্নলিখিত ধৰণৰ:

প্ৰথম কাহিনী

জনশ্ৰুতি অনুসৰি, ফাগুন মাহৰ কৃষ্ণা চতুৰ্দশীত মাতা পাৰ্বতীয়ে ভগৱান শিৱক তেওঁৰ স্বামী হিচাপে পাবলৈ কামনা কৰাৰ বাবে নাৰদৰ আজ্ঞা অনুসৰি তেওঁ মহেদৱৰ ঘোৰ তপস্যা আৰু বিশেষ আৰাধনা কৰিছিল। ইয়াৰ পিছত, মহা শিৱৰাত্ৰিৰ দিনাখন শিৱই সন্তুষ্ট হৈ বৰদান দি মাতা পাৰ্বতী বিয়া কৰায়। সেইকাৰণেই মহাশিৱৰাতিক অত্যন্ত গুৰুত্বপূৰ্ণ আৰু পবিত্ৰ বুলি গণ্য কৰা হয়। এনে পৰিস্থিতিত প্ৰতি বছৰে ফাগুন মাহৰ চতুৰ্দশী তিথিত ভগৱান শিৱ আৰু মাতৃ পাৰ্বতীৰ বিবাহৰ আনন্দত মহা শিৱৰাত্ৰি উৎসৱ উদযাপন কৰা হয়। এই দিনটোত মহাদেৱৰ ভক্তসকলে বহু ঠাইত মহা শিৱৰাত্ৰিত ভগৱান শিৱৰ বৰযাত্ৰী উলিয়ায়।

দ্বিতীয় কাহিনী

গৰুড় পুৰাণৰ মতে, এই দিনটোৰ মহত্বক লৈ আন এটা কাহিনী প্ৰলিত আছে। কিংবদন্তী অনুসৰি ফাগুনৰ কৃষ্ণা চতুৰ্দশীৰ দিনা এগৰাকী নিষাদৰাজে নিজৰ কুকুৰটোৰ সৈতে চিকাৰ কৰিবলৈ গৈছিল। তেওঁ সেইদিনা কোনো চিকাৰ বিচাৰি পোৱা নাছিল। তেওঁ ভোকে-পিয়াহে ভাগৰি পৰি বিচলিত হৈ এটা পুখুৰীৰ পাৰত বহি পৰিল। তাত এজোপা বেল গছৰ তলত এটা শিৱলিংগ আছিল। নিজৰ শৰীৰটোক কিছু আৰাম দিবৰ বাবে তেওঁ কেইটাপাত বেলপাত ছিঙিলে, যিবোৰ পাত শিৱলিংগৰ ওপৰত হাওলি পৰিছিল। তাৰ পিছত তেওঁ পুখুৰীৰপৰা পানী ছাটি মাৰি নিজৰ হাত দুখন পৰিষ্কাৰ কৰি লৈছিল। ইসেই পানীৰ কেইটোপালমান শিৱলিংগৰ ওপৰত পৰিছিল।

এনে কৰোঁতে তেওঁৰ ধনুৰ এডাল কাঁড় তললৈ বাগৰি পৰিছিল। সেই কাঁড়পাত উঠাবলৈ লওঁতে তেওঁ শিৱলিংগৰ সম্মুখত মূৰ দোঁৱালে। এনেদৰেই শিৱৰাত্ৰিৰ দিনা শিৱ-পূজনৰ সমগ্ৰ প্ৰক্ৰিয়াটো তেওঁ জ্ঞাতে বা অজ্ঞাতে সম্পূৰ্ণ কৰিছিল। মৃত্যুৰ পিছত যমদূতে যেতিয়া তেওঁক নিবলৈ আহিছিল, তেতিয়া শিৱৰ গণই তেওঁক সুৰক্ষা দিছিল আৰু যমদূতক আঁতৰাই পঠাইছিল। অজ্ঞানবশতঃ মহাশিৱৰাত্ৰিৰ দিনা ভগৱান শংকৰৰ পূজাৰ এনে অদভূত ফল লাভ কৰি তেওঁ বুজি পাইছিল যে মহাদেৱৰ পূজা কিমান ফলদায়ক হ'ব আৰু তেতিয়াৰ পৰাই শিৱৰাত্ৰি পূজাৰ প্ৰথা আৰম্ভ হৈছিল।

বৃহৎ কুণ্ডলী ত নিহিত হৈ আছে, আপোনাৰ জীৱনৰ সকলো গোপন ৰহস্য, জানক গ্ৰহসমূহৰ গতি-বিধিৰ সম্পূৰ্ণ লেখ-জোখ

তৃতীয় কাহিনী

ফাগুনৰ কৃষ্ণা চতুৰ্দশী অৰ্থাৎ মহাশিৱৰাতিৰ দিনা ভগৱান শিৱই শিৱলিংগৰ ৰূপত এক দিব্য অৱতাৰ গ্ৰহণ কৰিছিল আৰু ব্ৰহ্মাই লিংগৰ ৰূপত শিৱৰ উপাসনা কৰিছিল। তেতিয়াৰ পৰাই মহা শিৱৰাত্ৰিৰ ব্ৰতৰ মহত্ব বৃদ্ধি পালে আৰু ভক্তসকলে এই দিনটোত ব্ৰত ৰাখি শিৱলিংগত জল অৰ্পণ কৰে।

চতুৰ্থ কাহিনী

পৌৰাণিক কাহিনী অনুসৰি, ভগৱান শিৱই প্ৰথম বাৰ মহাশিৱৰাত্ৰিৰ দিনাই প্ৰদোষ তাণ্ডৱ নৃত্য পৰিৱেশন কৰিছিল। এই কাৰণে মহা শিৱৰাত্ৰিৰ তিথিটোক গুৰুত্বপূৰ্ণ বুলি গণ্য কৰা হয় আৰু এই দিনটোত বিধি-বিধান অনুসৰি ব্ৰত পালন কৰা হয়।

পঞ্চম কাহিনী

মহাশিৱৰাত্ৰি উদযাপনৰ আঁৰত বহুতো মত আছে কিন্তু শিৱ পুৰাণৰ দৰে গ্ৰন্থত শিৱৰাত্ৰি উদযাপনৰ গুৰুত্বৰ বিষয়ে কোৱা হৈছে যে ফাগুন মাহৰ কৃষ্ণা চতুৰ্দশী অৰ্থাৎ মহা শিৱৰাত্ৰিৰ দিনা ভগৱান শিৱই সৃষ্টিক বচাবৰ বাবে তেওঁৰ কণ্ঠেৰে বিষ গ্ৰহণ কৰি সমগ্ৰ সৃষ্টিক ভয়ানক বিষৰপৰা ৰক্ষা কৰিছিল আৰু গোটেই জগতক এই ভয়ংকৰ বিষৰ পৰা মুক্ত কৰিছিল। বিষ পান কৰাৰ পিছত ভগৱান শিৱৰ কণ্ঠ সম্পূৰ্ণ নীলা হৈ পৰিছিল। বিষ ধাৰণ কৰোঁতে ভগৱান শিৱই মাজতে এটা সুন্দৰ নৃত্য পৰিৱেশন কৰিছিল। এই নৃত্যক দেৱতাসকলে যথেষ্ট গুৰুত্ব প্ৰদান কৰিছিল। বিষৰ প্ৰভাৱ হ্ৰাস কৰিবৰ বাবে দেৱ-দেৱীসকলে তেওঁক জল অৰ্পণ কৰিছিল, সেয়েহে শিৱ পূজাত পানীৰ বিশেষ গুৰুত্ব আছে। বিশ্বাস কৰা হয় যে এই দিনটোতেই দেৱ-দেৱীসকলে শিৱৰ আৰাধনা কৰিবলৈ আৰম্ভ কৰিছিল।

পাওক আপোনাৰ সোঁৱৰণি আধাৰিত সঠিক শনি প্ৰতিৱেদন

মহা শিৱৰাত্ৰিত শিৱৰ পূজাত এই কাম নিশ্চিতভাৱে অন্তৰ্ভুক্ত কৰক, লিখি লওক পূজন সামগ্ৰী

কোৱা হয় যে মহাদেৱ অত্যন্ত নিৰ্বোধ। শ্ৰদ্ধাৰে কেৱল এলোটা পানী শিৱলিংগত আগবঢ়ালেই তেৰা সন্তুষ্ট হয় কিন্তু মহা শিৱৰাত্ৰিৰ দিনা কিছুমান বিশেষ সামগ্ৰীৰে মহাদেৱৰ পূজা কৰিলে আকাংক্ষিত ফলাফল লাভ কৰা যায়, আহক সেইবোৰৰ বিষয়ে জানো।

• ভগৱান শিৱৰ পূজাত অক্ষতৰ ব্যৱহাৰ নিশ্চিতভাৱে কৰিব লাগে। ইয়াৰদ্বাৰা মহাদেৱ সন্তুষ্ট হয় আৰু ৰাশিফলত চন্দ্ৰমাৰৰ স্থিতি শক্তিশালী হয়।
• মহাদেৱৰ পূজাত মৌ অন্তৰ্ভুক্ত কৰিলে এগৰাকী ব্যক্তিয়ে স্বাস্থ্যজনিত সমস্যাৰ পৰা পৰিত্ৰাণ লাভ কৰে।
• ভোলানাথৰ পূজাত বিশুদ্ধ দেশী ঘিউ ব্যৱহাৰ কৰিব লাগে। বিশ্বাস কৰা হয় যে ইয়াৰদ্বাৰা এক আৰোগ্য জীৱন প্ৰাপ্ত হয় আৰু সকলো সমস্যাৰপৰা মুক্তি লাভ কৰিব পৰা যায়।
• ভগৱান শিৱৰ পূজাত কুঁহিয়াৰৰ ৰস নিশ্চিতভাৱে অন্তৰ্ভুক্ত কৰক। বিশ্বাস কৰা হয় যে ইয়াৰ ফলত দৰিদ্ৰতা দূৰ হয় আৰু সুখ-সমৃদ্ধি বৃদ্ধি হয়।
• মহাদেৱৰ ভাং, ধতুৰা আৰু নিলাজী বন বৰ পছন্দৰ, সেয়েহে শিৱৰাত্ৰিৰ পূজাত এইবোৰ অন্তৰ্ভুক্ত কৰি, আপুনি ভগৱান শিৱৰ বিশেষ অনুগ্ৰহ লাভ কৰিব পাৰে।
• ইয়াৰ উপৰিও ভস্ম, কেশৰ, ৰূদ্ৰাক্ষ, মৌলী, বগা চন্দন, আবিৰ, গুলাল আদি ভগৱনা শিৱক অৰ্পণ কৰি তেওঁৰ পূজা কৰা উচিত।

অনলাইন চফটৱেবৰৰপৰা বিনামূলীয়া জন্ম পত্ৰিকা প্ৰাপ্ত কৰক

মহাশিৱৰাত্ৰিৰ পূজাৰ সময়ত কি কি কৰিব আৰু কি কি নকৰিব

মহাশিৱৰাত্ৰিৰ পূজাত কিছুমান বিশেষ কথাৰ প্ৰতি গুৰুত্ব প্ৰদান কৰা উচিত কিয়নো যদিহে জ্ঞাতে বা অজ্ঞাতে ব্ৰতৰ সময়ত কোনো ভুল কৰা হয় তেতিয়া ব্ৰতৰ সঠিক ফল প্ৰাপ্ত নহ’বও পাৰে। এই কথাকেইটা মন কৰোঁ আহক।

কি কৰিব

• পূজা কৰোঁতে শিৱলিংগক লোটাৰে পানী অৰ্পণ কৰক।
• ইয়াৰ পিছত শিৱলিংগৰ ওপৰত ভাং, ধতুৰা, গঙ্গাজল, বেলপাত, গাখীৰ, মৌ আৰু দৈ অৰ্পণ কৰক।
• শিৱলিংগত এবাৰ এবাৰকৈ জল বা গাখীৰ অৰ্পণ কৰিব লাগে। একেলগে নকৰিব।
• জল অৰ্পণ কৰোঁতে ভগৱান শিৱ আৰু মাতৃ পাৰ্বতীৰ ধ্যান কৰা উচিত।
• ভগৱান শিৱৰ অভিষেক কৰোঁতে, শিৱৰ মন্ত্ৰ জপ কৰক।

কি নকৰিব

• পূজাৰ দিনা তামসিক খাদ্য খোৱাৰ পৰা বিৰত থাকক।
• শিৱৰাত্ৰিৰ দিনা মদিৰা পান পৰিহাৰ কৰিব।
• এই দিনটোত ঘৰত শান্তিৰ পৰিৱেশ সৃষ্টি কৰক। কোনো ধৰণৰ কাজিয়া বা নিন্দা নকৰিব।
• শিৱলিংগত পানী অৰ্পণ কৰাৰ সময়ত ভগৱান পদুম, কানেৰ, কেতেকী ফুল ভগৱান শিৱক অৰ্পণ নকৰিব। ইয়াৰ লগতে, শিৱলিংগত সেন্দুৰ বা শৃংগাৰৰো কোনো সামগ্ৰী অৰ্পণ নকৰিব।
• যদিহে আপুনি উপবাস ৰাখিছে তেনেহ’লে আজিৰ দিনটোত নুশুব আৰু শিৱৰ ধ্যান কৰিব।
• শিৱলিংগত ক'লা তিল বা ভঙা চাউল ভুলতেও অৰ্পণ নকৰিব।
• ইয়াৰ বাহিৰেও ভুলতেও শিৱলিংগত শংখৰে জল অৰ্পণ নকৰিব। ইয়াৰ আঁৰত এক ডাঙৰ কাৰণ আছে বুলি বিশ্বাস কৰা হয়।

এই মন্ত্ৰবোৰেৰে কৰক ভগৱান শিৱৰ পূজা

মহাশিৱৰাত্ৰি দিনাখন ভগৱান শিৱৰ পূজা কৰোঁতে এই মন্ত্ৰবোৰ উচ্চাৰণ কৰিব লাগে। বিশ্বাস কৰা হয় যে এই মন্ত্ৰবোৰৰদ্বাৰা ভগৱান শিৱ অতি সোনকালে সন্তুষ্ট হয়।

• ঔঁ হীং হৌং নমঃ শিৱায়॥ ঔঁ পাৰ্বতীপতয়ে নমঃ॥ ঔঁ পশুপতয়ে নমঃ:॥ ঔঁ নমঃ শিৱায় শুভং শুভং কুৰু কুৰু শিৱায় নমঃ ঔঁ ॥
• মন্দাকিন্যাস্তু যদ্বাহি সৰ্বপাপৰহং শুভম । নদিদং কল্পিত দেৱ স্নানাৰ্থ প্ৰতিগৃদ্যনাম॥ শ্ৰী ভগৱতে সাম্ব শিৱায় নমঃ । স্নানীয় জলং সমৰ্পয়ামি।
• ঔঁ তৎপুৰুষায় বিদ্যহে মহাদেৱায় ধীমহি তন্নো ৰূদ্ৰ প্ৰচৌদয়াত্॥
• ঔঁ হৌং জুং সঃ ঔঁ ভূভুৰ্ব স্বঃ ঔঁ ত্ৰ্যম্বংক যজামহে সুগন্ধি পুষ্টিবৰ্ধনম। উৰ্বাৰুকমিৱ বন্ধনান্মৃত্যৌৰ্মূক্ষীয় মামৃতাত্ ঔঁ ভূৱঃ থূঃ স্বঃ ঔঁ সঃ জুং হৌ ঔঁ ।।
• ঔঁ সাধো জাতয়ে নমঃ:।। ঔঁ বামদেৱায় নমঃ।। ঔঁ অঘোৰায় নমঃ।। ঔঁ তৎপুৰুষায় নমঃ।। ঔঁ ঈশানায় নমঃ।। ঔঁ হীং হৌং নমঃ শিৱায়।।
• ঔঁ নমঃ শিৱায়। নমো নীলকণ্ঠায়। ঔঁ পাৰ্বতীপতয়ে নমঃ। ঔঁ হীং হোং নমঃ শিৱায়। ঔঁ নমো ভগৱতে দক্ষিণামূৰ্ত্তয়ে মধ্যং মেধা প্ৰয়চ্ছ স্বাহা।
• কৰচৰণকৃতং বাক্ কায়জং কৰ্মজং শ্ৰাৱণ বাণংজং ৱা মানসংৱাপৰাধং । বিহিতং ৱা সৰ্ব মেতত্ ক্ষমস্ব জয় জয় কৰুণাধ্যে শ্ৰীমহাদেৱ শম্ভো ॥
• ঔঁ তৎপুৰুষায় বিদ্যহে, মহেদেৱায় ধীমহি, তন্নো ৰূদ্ৰ প্ৰচোদয়াত্।।

বৰ্ষ 2024 ত আপোনাৰ জীৱনলৈ প্ৰেমৰ আগমন ঘটিব নে? প্ৰেম ৰাশিফল 2024 -য়ে প্ৰদান কৰিব উত্তৰ

মহাশিৱৰাত্ৰি 2024 : ৰাশি অনুসৰি শুভ যোগত কৰক মহাদেৱৰ অভিষেক

মেষ ৰাশি

মহাশিৱৰাত্ৰি দিনটোত মেষ ৰাশিৰ লোকসকলে পানীত গুড়, গংগাজল, বেলপাত আৰু আতৰ মিহলি কৰি মহাদেৱৰ অভিষেক কৰিব লাগে।

বৃষ ৰাশি

মহা শিৱৰাত্ৰিৰ দিনা বৃষ ৰাশিৰ জাতকসকলে ভগৱান শিৱক গৰুৰ গাখীৰ, দৈ আৰু দেশী ঘিউৰে অভিষেক কৰিব লাগে।

মিথুন ৰাশি

মিথুন ৰাশিৰ জাতকসকলে এই দিনটোত ভগৱান শিৱক কুঁহিয়াৰৰ ৰসেৰে অভিষেক কৰা উচিত। বিশ্বাস কৰা হয় যে এনে কৰিলে সকলো ৰোগৰপৰা পৰিত্ৰাণ লাভ কৰে।

কৰ্কট ৰাশি

কৰ্কট ৰাশিৰ জাতকসকলে ভগৱান শিৱৰ বিশেষ আশীৰ্বাদ লাভ কৰিবৰ বাবে শাওণ মাহৰ সোমবাৰে মহাদেৱক বিশুদ্ধ দেশী ঘিউৰে অভিষেক কৰা উচিত।

সিংহ ৰাশি

এই দিনটোত সিংহ ৰাশিৰ লোকসকলে পানীত ৰঙা ফুল, গুড়, ক'লা তিল আৰু মৌ মিহলি কৰি মহাদেৱৰ অভিষেক কৰিব লাগে।

কন্যা ৰাশি

মহা শিৱৰাত্ৰিত, কন্যা ৰাশিৰ জাতকসকলে কুঁহিয়াৰৰ ৰসত মৌ মিহলি কৰি ভগৱান শিৱৰ অভিষেক কৰা উচিত।

বৰ্ষ 2024 ত কেনে থাকিব আপোনাৰ স্বাস্থ্য? স্বাস্থ্য ৰাশিফল 2024 ৰপৰা লাভ কৰক উত্তৰ

তুলা ৰাশি

ভগৱান শিৱৰ আশীৰ্বাদ লাভ কৰিবৰ বাবে তুলা ৰাশিৰ লোকসকলে পানীত মৌ, আতৰ আৰু ৰজনীগন্ধা তেল মিহলি কৰি ভগৱান শিৱৰ অভিষেক কৰা উচিত ।

বৃশ্চিক ৰাশি

এই দিনটোত বৃশ্চিক ৰাশিৰ জাতকসকলে ভগৱান শিৱক গাখীৰ, দৈ, ঘিউ, মৌ আদি বস্তুৰে অভিষেক কৰিব লাগে।

ধনু ৰাশি

ধনু ৰাশিৰ জাতকসকলে মহা শিৱৰাত্ৰিৰ দিনা শিৱক সন্তুষ্ট কৰিবৰ বাবে পানী বা গাখীৰত হালধি মিহলাই জলাভিষেক কৰা উচিত।

মকৰ ৰাশি

মকৰ ৰাশিৰ জোতকসকলৰ আৰাধ্য দেৱতা হৈছে শিৱ। এনে পৰিস্থিতিত, মকৰ ৰাশিৰ লোকসকলে ভোলেনাথক নাৰিকল পানীৰে অভিষেক কৰা উচিত।

কুম্ভ ৰাশি

কুম্ভ ৰাশিৰ লোকসকলৰো আৰাধ্য হৈছে মহাদেৱ। সেয়েহে, কুম্ভ ৰাশিৰ ব্যক্তিসকলে গংগাজলত ক'লা তিল, মৌ আৰু সুগন্ধি মিহলাই ভগৱান শিৱৰ অভিষেক কৰা উচিত ।

মীন ৰাশি

মহা শিৱৰাত্ৰিত মীন ৰাশিৰ ব্যক্তিসকলে পানী বা গাখীৰত কেশৰ মিহলি কৰি মহাদেৱৰ অভিষেক কৰা উচিত।

সকলো জ্যোতিষীয় সমাধানৰ বাবে ক্লিক্ কৰক: অনলাইন শ্বপিং ষ্টোৰ

আমি আশা ৰাখিছোঁ যে আপুনি আমাৰ এই প্ৰৱন্ধটো নিশ্চয় ভাল পাইছে। যদিহে ভাল পাইছে তেনেহ’লে আপোনাৰ অন্য শুভাকাংক্ষীসকলকো এই প্ৰৱন্ধটোৰ কথা জনাওক। ধন্যবাদ