aap darshanika, udar aur atyadhik sahanubhooti rakhane wale hain. sharirik roop se aap aakarshak hain. aap wyawahar se shisht hain. is karan se aapake mitr jaldi ban jate hain. gussa aur chidachidapan aap par jaldi prabhawi ho jate hain lekin aap in par shighr niyantran bhi pa lete hain. aap ek achchhe wakta aur batooni ho sakate hain. shuru men aap apani pratibha ko wyakt karane men sharamate hain. aap buddhimana, smrti men achchhe aur mudde ko tathyon ke sath nipatane men saksham ho sakate hain. ho sakata hai ki aapako apane pariwar se jyada sukh n mil paye.

pariwar:pariwarik drshtikon se warsh ka pratham bhag anukool rahega. pariwar men sukh aur shanti ka watawaran banega. aap pariwarik sukh prapt karenge. lekin warsh ke doosare bhag men guroojanon aur mata pita se sanbandh bahut achchhe nahin rahenge. aapake bhitar kuchh ahankar yukt bhawanayen panap sakati hain jisase ghar-pariwar men aapaki janapriyata ghat sakati hai. behatar hoga aap apani antardrshti se swayan ko parakhen. jaroorat se jyada tark witark karane se bhi bachen anyatha pariwarik janon ko aapaki nishtha aur aapake pariwarik sneh par sandeh hone lagega.

swasthy:yah warsh aapake swasthy ke liye anukool rahega. sadharan ya chhoti-moti bimariyon ko chhod diya jay to lagabhag poora warsh hi aapake swasthy par anukoolata banaye rahega. mausam janit kisi bimari se aapako kasht hota bhi hai to wah jald hi door bhi ho jayega.

is awadhi ka upayog aap man ko ekagr karane samadhi aur yog kriyaon ko karane ke liye bhi kar sakate hain. isase aapame utsah ka sanchar hoga aur apane swasthy ko achchha banaye rakhane men kamayab rahenge. samay-samay par aap jalawayu pariwartan karane jate rahenge.

prem:prem prasangon ke liye yah warsh milajula parinam dega. warsh ke aarambhik mahine prem prasangon men manamutaw paida kar sakate hain. kisi khas wajah se jiwanasathi naraj rah sakata hai. at: kisi bhi mudde ko lekar jaroorat se jyada jid n karen. lekin warsh ka doosara bhag bahut hi anukool rahega. yadi chhote-mote manamutawon ko chhod diya jay to lagabhag poora sal hi aapako dili shukoon dene wala rahega. kisi purane rishtedar ya parichit se sneh milega. jiwanasathi ke sath ghoomane firane ke mauke milenge. door deshon ki athawa dharm sthalon se judi yatrayen ho sakati hain.

karyakshetr:kary-wyawasay ke liye yah warsh achchha rahega. kuchh wyawasayik aur anubhawi wyaktiyon se milakar aap apani karyashaili ko aur adhik sudhar payenge. wyapar men badalaw ya naukari ki padonnati ki sanbhawana hai. sarakari afasaron, warishth logon ka sahayog bhi aapako mil sakata hai jisase aapake kamon men labh ka ijafa ho sakata hai. kuchh pratispardhi adachane paida karane ki koshish kar sakate hain lekin aap un par niyantran pa lenge. aap apane lakshy se bhramit nahin honge aur apane kam ko poora karake hi rahenge. yadi padonnati hone wali hai to yah padonnati manonukool rahegi.

dhan:is warsh aapaki aamadani men nirantarata bani rahegi. lekin ho sakata hai ki aap koee baink bailens n bana payen. kyonki is warsh aap koee sampati kharid sakate hain. ghar ki wastuon chal achal sampati aadi par wyay ho sakata hai. kisi ne wyapar ya wyawasay ko shuru karane men kharche ho sakate hain. aamadani ke kisi naye shrot ke milane ki bhi ummid hai. kahin se achanak koee bada labh bhi ho sakata hai. yah bhi ek karan hoga aapaki aarthik sthiti ko majaboot karane ka. yadi aapaka paisa kahin ruka huaa hai to thode se prayas se usaki prapti ho sakati hai.

vidya:adhyayan ke liye yah warsh milajula rahega. kadi menat karane walon ko uttam parinamon ki prapti hogi lekin adhyayan men laparawahi karane walon ko rukawat ka samana karana pad sakata hai. aise widyarthi jo tarkashastr se sanbandh rakhate hain unake liye samay anukool rahega. apane adhyapakon aur pradhyapakon se uttam rishte banaye rakhane ka prayas karen. unase ki gaee bewajah bahasabaji aapako pareshani men dal sakati hai. pratiyogi pariksha men bhag lene wale widyarthiyon ke liye warsh ka doosara bhag shubh aur anukool hai. widesh jakar shiksha lene walon ke liye samay madhyam faladayi hai.

upay:

• bahate pani men chawal ya badam bahayen.
• pratidin kesar ka tilak lagayen aur sona pahanen.
• yadi aap shadi shuda hain to sasural walon se achchhe sanbandh banakar rakhen.
• badon ka aadar karen, aur charitr uttam rakhen.
• shani mantr "om pran prin praun s: shanaye nam:" ka jap karen.