• Learn astrology with astrology masters
  • Tips on improving life
  • How to achieve success in life with astrology
  • Secrets & mysteries of astrology

makara 2013 rashiphal (chandr rashiphal)
Hindi rashiphal Makara Rashi 2013 (Moon Sign)

makara 2013 rashiphal (chandr rashiphal)

aap swabhaw se sahanubhooti, udar bhaw liye, sankochi, tamasik prawrtti ke lekin chalak ho sakate hain. aapaka jiwan mahan aakankshaon se bhara hota hai lekin aap isake liye bachat nahin kar pate. samanyat: aap swayan ko paristhitiyon ke anusar dhal lete hain. aap parishrami wyakti hain lekin kuchh mamalon men aap batooni bhi hain. kuchh mamalon aap dikhawa pasand bhi ho sakate hain. aap har kisi ko protsahit karane ki yogyata rakhate hain lekin apane jiwan sathi ke sath samayojan karane men aapako badi mehanat karani padati aur kaee yuktiyan apanani padati hain.

pariwar:chaturth bhaw men ketu ka gochar aapake gharelu aur pariwarik jiwan ke liye thik nahin hai. isaliye ghar pariwar ke logon se kuchh waicharik matabhed rah sakata hai. samany taur par pariwarik jiwan ko lekar man aprasann rah sakata hai. chhoti chhoti baton par jhagaden aur wiwad ho sakate hain. pariwarajanon ki bimari chintit rakhegi. isakaran se aap pariwarik sukh ke abhaw ka anubhaw karenge. isaka sakaratmak pahalu yah ho sakata hai ki aap apane pariwarajanon ke sath kisi dharmik sthal ki yatra kar sakate hain athawa aapaka jhukaw dharmik kriya kalapon ki or hona chahiye. ghar pariwar men shubh krty ka aayojan hoga.

swasthy:warsh ke pratham bhag men brhaspati ka gochar anukool hone ke karan aur lagn par brhaspati ki daॄshti hone ke karan swasthy ke lihaz se yah warsh anukool hai. kuchh mausam janit bimariyon ko chhodakar koee wishesh bimari hone ke yog nahin hain. lekin jiwan sathi ka swasthy aapako manasik roop se chintit rakh sakata hai. lekin warsh ke doosare bhag men wahanadi sawadhani se chalayen aur durghatanaon ko lekar sachet rahane ki aawashyakata hai. kisi kam men mili asafalata ke karan aaee chinta aapako thaka sakati hai. kul milakar is warsh aapako swasthy ko lekar chinta karane jaisi sthiti nahin hain.

prem:pancham bhaw men brhaspati ka gochar hone ke karan prem prasangon ke liye yah warsh shubh faladayi aur anukool rahega. naye prem sanbandhon ke liye bhi samay anukool hai. aapaka prem sanbadh kisi uchch kulin ya dhanawan se ho sakata hai. naye prem sanbandhon ke chakkar men purane sanbandhon ko najaraandaj karane se bachen. purane prem sanbandhon men aur pragadhata aayegi lekin gharelu samasyaon ko prem ke bich men lane se bachen. is warsh aapaki sagaee hone aur wiwah hone ke yog bhi ban rahe hain. aap apane jiwan sathi ke sath bhraman par ja sakate hain.

Free Kundli and 2013 Horoscope

karyakshetr:aapake karyakshetr ke liye yah warsh anukool rahega. is awadhi men aapaka apane prati wishwas aapako lagatar wijay dilayega. aap samman aur pratishtha prapt karenge. wyapara/wyawasay men labh prapt kar sakenge. lekin shani-rahu ki dasham men sthiti aapase kadi mehanat karawayegi. parinam aashajanak rahenge lekin kam wilamb se poora hoga. isaliye koee bada pariwartan karane se bachen aur dhairy se kam len. fir bhi warishth aur sattadhari wyaktiyon se sanbandh madhur honge aur aapake karyakshetr men unnati hogi. kisi sochi huee yatra poori karane se asimit labh hoga. naukari pesha logon ke liye samay kam thik hai.

dhan:is warsh aapaki aamadani ke shroton men badhottari hogi aap bachat karane men bhi kamayab rahenge. yadi aapake pas koee purana karj hai to aap is warsh usase chhutakara pa sakate hain. wyapar-wyawasay ke madhyam se achchha labh milane se bhi aap achchhi bachat kar payenge. yatraon se judi naukari karane walon ke liye bhi dhanarjan karane ka samay hai. lekin jamin jayadad ke mamalon men bahut hi sawadhani se niwesh karen. kisi badi pariyojana men niwesh karana bhi uchit nahin rahega. fir bhi any madhyamon se aap achchha dhan kama sakenge aur bachat bhi kar payenge.

vidya:widyarthiyon ke liye yah warsh anukool rahega. aap is warsh buddhijiwiyon ki sangati men rahenge aur apani tikshn buddhi ke karan adhyayan se jude mamalon men sahi nirnay lenge. is kam men aapake sahapathi bhi aapaka sahayog karenge. adhyapako/pradhyapakon ke sath aapake sambandh majaboot honge. yadi aap kisi pratispardhatmak pariksha men bhag le rahen hain to usamen safalata milane ke achchhe yog ban rahe hain. lekin chaturth bhaw me ketu ka gochar hone ke karan aapako apani wishayawastu par dhyan kendrit karane men kathinaee ka anubhaw ho sakata hai. at: chintaon se doori banaye rakhana jaroori hoga.

upay:

  • pratidin mandir jayen. sharaba, mans aur ande se parahej karen.
  • yadi sambhaw ho to das andhe logon ko bhojan karayen.
  • kisi mandir men 4 kilo ya 400 gram 'khanda' chadhayen athawa pani men bahayen.
  • kabhi-kabhi mithaee aur lal rang ke sooti kapade ka dan karen.
  • man ki shanti ke liye chandi pahanen aur brahmana, pujariyon aur sadhuon ki sewa karen.


2013 ka yah rashiphal chandr rashi (Moon Sign) aadharit hai aur vaidik j‍yotish ke siddhan‍ton ke aadhar par taiyar kiya gaya hai. yadi aapako apani chandr rashi ka pata nahin hai to Find your Moon Sign klik karake apani klik karake apani chandr rashi gyaaat kar sakate hain.

2013 rashiphal in Hindi is based on your moon sign and prepared according to ancient principles of Indian Vedic Astrology. If you do not know your Moon Sign, please click Find your Moon Sign to find out it free. it free.

2014 Articles