karka rashi sabase bhagyashali rashi mani jati hai aur chandrama usaka swami hai. aap behad sanwedanashila, jijnyasu aur bechain prawrtti ke hote hain. aap apane pariwar aur doston ke liye samarpan ka bhaw rakhate hain. aap buddhimana, ujjwal aur shramasadhy wyaktitw wale hain. aapaka apane pariwar aur bachchon ke sath bahut lagaw hai. aapaka lagaw chitrakala, jal aur sinchaee wibhag se sanbandhita, wyapar aur wanaspati wijnyana, kapasa, chawal aur dugdh wyawasaya, safed dhatu tatha moon ston se sanbandhit kshetron men ho sakata hai.

pariwar: brhaspati ke gochar ke prabhaw se aapake bhaee aur bahanon ke jiwan men khushahali aayegi. wen aapake liye madadagar bhi bane rahenge. lekin shani me gochar ke karan pariwar ke any logon ke liye samay bahut anukool nahin hai, isakaran se aap pariwarik sukh ke abhaw ka anubhaw karenge. aap par kuchh aisi baton ko lehar jhuthe iljam lagaye ja sakate hain jinamen aapaka sahayog nagany raha ho. kuchh pariwarik sadasyon ke bich matabhed bhi ho sakata hai. mata pita ko lekar bhi kuchh chintayen rah sakati hain. pariwarajanon men se kisi ke swasthy ko lekar aap chintit rah sakate hain.

swasthy: swasthy ke lihaz se yah warsh adhik anukool nahin hai. kisi kam men mili asafalata ke karan aaee chinta aapako thaka sakati hai. aise men swasthy ka khayal rakhana jaroori hoga. yadi aapako pahale se koee lambi bimari bhugat rahe hain to parahej ki aawashyakata hai. wahanadi sawadhani se chalayen aur durghatanaon ko lekar sachet rahane ki aawashyakata hai. is warsh kuchh wisham paristhiyon se bhi samana ho sakata hai aise men wiparit paristhitiyon ko buddhimata se jhelane ka wishwas apane andar paida karen anyatha swasthy bigad sakata hai.

prem: labh bhaw men brhaspati ka gochar hone ke karan prem prasangon ke liye yah warsh anukoolata liye rahega. yadi aap abhi tak premanubhooti se wanchit rahe hain to yah warsh aapake liye sahayak siddh ho sakata hai. prem ke alawa sagaee ke bhi yog nirmit ho rahe hain. jiwan sathi ke sath bhraman ka awasar milega. door desh sthit kisi wyakti se bhi lagaw ho sakata hai. prem men pawitrata aur wishwasaniyata n hone ki sthiti men kuchh logon ke sanbandhon ki pragadhata men kami aa sakati hai ya sambandh toot bhi sakate hain. naye jud rahen prem sambandh aapaki sthiti paristhiti se oonche darje ke ho sakate hain.

karyakshetr: brhaspati ka gochar wideshiyon ya sudoor sthalon par rahane wale logon se aapake wyawasayik sanbandhon ko majaboot karayega. aap kisi naye kam ki shuruaat bhi kar sakate hain. lekin any mahattwapoorn grahon jaise shani aur rahu ka gochar anukool n hone se kuchh kam bigad bhi sakate hain at: bahason men n ulajhen anyatha aap malikon athawa warishth adhikariyon ke rosh ke bhajan ho sakate hain. koshish karen ki apana kam salike se karen. wiparit paristhitiyon ko buddhimata se nibatayen. yadi aap aisa karate hain to ketu ka gochar mahattwapoorn wyaktiyon se jodane men aapaki madad karega. naukari ke halat men sudhar honge. naye pariwartan athawa naye kam ki shuruaat hogi. fir bhi kisi naye kam ki shuruaat se pahale achchhaee aur buraee ka achchhi tarah wishleshan jaroori hoga.

dhan: is warsh aapaki aamadani ke shroton men ijafa hoga lekin bachat ke liye yah warsh anukool nahin hai. paison ke aane se pahale hi kharche taiyar milenge. kisi pariwarik wyakti ke swasthy ke bigad jane ke karan usame kafi paise kharch karane pad sakate hain. kuchh naye kamon ki shuruaat karane ke karan aap apane sanchay kiye huye dhan ko kharch karana chahenge. yadi aapake pas koee purana karj hai to aap is warsh usase chhutakara pa sakate hain. kisi yatra ke dwara bhi dhan kharch ho sakata hai. hanlaki jiwanasathi ya wyawasayik bhagidara, bachat karane men aapake madadagar ho sakate hain.

vidya: jo log widesh ya door jakar padhaee karana chah rahe hain unake liye yah warsh anukool rahega. aapaka aatmawishwas majaboot bana rahega. yadi aap kisi pratispardhatmak pariksha men bhag le rahen hain to awashy safal honge. darshanashastr ya any paramparagat wishayon ke widyarthiyon ke liye bhi samay anukool hai. lekin yadi aap kisi naye pathyakram men prawesh lena chah rahe hain to usake bare men anubhawi logon se bhaliprakar wichar wimarsh kar len. sath ki us sansthan ki wishwasaniyata ki bhi parakh kar len. anyatha jaldabaji men aap koee galat nirnay le sakate hain.

upay:

• kisi gay ko doodh aur chawal khilayen.
• hamesha apane pas chandi rakhen.
• dhaniya ke bij ४३ dinon tak bahate pani men bahayen.
• wyabhichar se bachen.
• chandr mantr "om shran shrin shraun s: chandray nam:" ka jap karen.