shukr ke prabhaw ke karan aap aakarshak wyaktittw ke swami hain. aapaki sharirik banawat aakarshak hai. aap sahasi aur hansamukh swabhaw ke wyakti hain. wani ka swamittw budh me jimmen hone ke karan aapaki wani prabhawashali hogi. sath ki pancham bhaw ka swamittw bhi budh ke pas hone se aapamen kisi wishayawastu ko sikhane ki adbhud kshamata hogi. aap apane prayason dwara kisi bhi paristhiti ko sanbhal sakane men saksham hote hain. aap men jimmedari aur kartawy ka bhaw hai. aap poorn eemanadari aur lagan ke sath apane pariwar aur bade bujurgon ki jimmedari nibhane ke liye taiyar rahate hain

pariwar: pratham bhaw men sthit brhaspati ke karan aap apane pariwarik mamalon ko lekar bahut prasann rahenge. ghar pariwaj men koee shubh aur shreshth sanskar hone ke yog bhi ban rahe hain. koee mangalik kary ya utsaw sampann hone ki sambhawana hai. ghar pariwar ka mahaul bhi santoshaprad rahega. lekin kinhi karyon ke karan athawa yatraon ke karan aapako apane pariwar se door rahana padega. ghar-pariwar ko lekar aap koee galat nirnay lene se bachen anyatha isaki chinta aapako poore warsh pareshan karati rahegi. kisi any karan se bhi aapako pariwarik chinta rah sakati hai. in sabake bawajood bhi pariwarik watawaran achchha bana rahega.

swasthy: swasthy ke lihaj se yah warsh aapake liye bahut achchha nahi pratit ho raha hai. ashtamesh brhaspati lagn par hai jo samay-samay par aapake swasthy ko pidit kar sakata hai at: swasthy par dhyan dene ki aawashyakata hai. warsh ke madhy men aswasthy rahane ka sanket shani grah bhi kar raha hai lekin yah aswasthata chhoti-moti bimari ke karan hi hogi. dwadash bhaw ka ketu bhi sanket kar raha hai ki is warsh aap ku had tak unmadi ho sakate hain. at: swayan ko sanak ya unmad se bachaye rakhana jaroori hoga.

prem: pratham bhaw men sthit brhaspati is warsh aapake prem prasangon ke liye anukool fal deta rahega. naye prem ki bhi sambhawana hai athawa prem men aur adhik pragadhata aayegi. jinaki umr wiwah ki ho chali hai unaki sagaee ho sakati hai. sath hi unaka wiwah hone ka yog prabal ho raha hai. wiwahit logon ko santan ka prem aur sukh nasib hoga. warsh ki shuruaat ke samay shukr ke ashtam bhaw men sthit hone ke karan bich-bich men chhote-mote maukhik wiwad bhi sambhaw ho sakate hain. yadi aap inase bachane ka prayas karate hain to yah warsh prem prasangon ke lihaz se shubh rahega.

karyakshetr: karyakshetr ke liye yah warsh achchha rahega rahega. aap apane achchhe karmon ke karan kamon men safal rahenge. kuchh wisham paristhiyan bhi samane aa sakati hain lekin aap un par wijay pa lenge aur dainik karyon men sfoortiwan bane rahenge. naukari ya wyawasay men achchha sudhar hoga. prabhawashali wyaktiyon se aapake sampark badhenge. lekin kuchh kamon men aap anubhawi logon ki salah ko bhi najaraandaj kar sakate hain aur galat nirnay lekar chintagrast ho sakate hain. sarakar se jude kisi wyakti ki sahayata se bhi aapake kam banenge. kuchh wyawasayik yatrayen hongi. wyawasayik wirodhiyon par wijay pane men aap safal rahenge.

dhan: aarthik mamale ke liye yah warsh bahut achchha rahega. aamadani ke shroton men ijafa hoga falaswaroop dhan sanchay karane men bhi aapako safalata milegi. kisi sarakari aadami ke sahayog se bhi aarthik paksh majaboot hoga. koee munafe ka bada sauda hath lag sakata hai aur dhanawrddhi hogi. warsh ke aarambh men dhan sthan ka swami ashtam bhaw men chaturthesh ke sath hai at: kuchh achal sampatti milane ke bhi yog hain. kahin se achanak dhan prapti bhi ho sakati hai. kisi latari ya bima ke madhyam se bhi dhan labh hone ki ummid hai. agar aapane prarthana ki hai to is warsh aarthik sadhan w roopaya paisa aap awashy prapt karenge.

vidya: pratham bhaw men brhaspati ke karan aapaka dimag poori tarah chaitany aur sanakool rahega. falaswaroop adhyayan men aapaki gahari ruchi rahegi. yadi aapaka wishay darshan ewam tatw mimansa se juda huaa hai to yah warsh bahut hi uttam faladayi rahega. yadi aap bainkiga, mainejament ya wyawasthapan se jude pathyakram se judana chah rahe hain ya us kshetr se jude hain to bhi aapako uttam falon ki prapti hogi. in sabake bawajood aapakon kusangati se bachana hoga anyatha aapaki padhaee prabhawit ho sakati hai. yadi aap kisi pratiyogi pariksha ya pratispardha men bhag lena chah rahe hain to usake lihaz se bhi samay anukool hai.

upay:

• nadi ya bahate pani men nariyal aur badam bahayen.
• yek kala kutta palen.
• bhagawan ganesh ki pooja karen.
• gayon ki sewa karen aur achhooton ki madad karen.
• shukr mantr "om dran drin draun s: shukray nam:" ka jap karen.