aapaki rashi shukr ke swamitw wali rashi hai. aap aakarshak wyaktitw ke swami hain. aap sadachari prakrti ke wyakti hain. aap swabhaw se chatur aur doosaron ki bhawanaon ka samman karane wale wyakti hain. aap gahari dooradarshita ke sath yatharthawadi aur adhik se adhik aadarshawadi bhi hain. aap swabhaw se nyayapriya, santulit aur samata poorn wyawahar karane wale wyakti hain. aap swabhaw se thode chanchal bhi ho sakate hain. aap doosaron ke hiton ki awahelana hote nahin dekh sakate hai. aapake swabhaw men santosh ka bhaw nihit rahata hai.

pariwar: yah warsh aapake pariwarik mamalon ke liye bahut anukool nahin hain. at: pariwar se jude har mamale men bahut sawadhani baratane ki jaroorat hai. pariwar ke kuchh logo ka bartaw aapake sath pratikool bhi rah sakata hai. yahan tak ki mitr aur rishtedar apani kahi baton se mukar sakate hain. pariwar ki kisi stri se aapake matabhed ho sakate hain athawa sanbandh bigad sakate hain. in tamam karanon se aapake man men ghar-pariwar ko lekar ek asuraksha ki bhawana panap sakati hai. aapako bhi apani kuchh aadaton par niyantran lagane ki salah di jati hai. anyatha pariwar men waimanasy ho sakata hai.

swasthy: swasthy ke liye yah warsh anukool nahin hai. at: swasthy ko lekar kisi prakar ki laparawahi uchit nahin hogi. pratham bhaw men rahu aur shani ka gochar aapako sharirik kasht dene ka sanket hai. chhoti-moti bimari ka prabhaw hamesha rah sakata hai. bich-bich swasthy jyada pratikool rah sakata hai. sharirik ke alawa manasik kasht bhi rah sakate hain. dimag ko shanti nahin milegi. manasik chintaon ke karan takalif hogi. koee gupt rog bhi aapako pareshan kar sakata hai. rishtedaron ke swasthy ko lekar bhi aap chintit rah sakate hain.

prem: prem prasangon ke liye yah warsh anukool nahin rahega. yadi aapane jara bhi laparawahi dikhaee ya chhoti bat ko bada mudda banane ki koshish ki to aapake sambandh bikhar sakate hain. aapaki chahat ya prem patr aapase jhooth bol sakata hai ya bewafaee kar sakata hai. premi/ premika se jhagade aur wiwad hone ki poori sanbhawana hai. wiparit lingi se sambandh achchhe nahin rahenge. kisi bhi sambandh ko todane ya jodane ke mamale jaldabaji ya hadabadi se baten bigad sakati hain at: koee bhi nirnay thande dimag se hi len. aapake kuchh apane log aapako bar bar dhokha de sakate hain at: apane dilodimag ko khula rakhana jaroori hoga.

karyakshetr: karyakshetr men kuchh wyawadhan rah sakate hain. yadi aap kuchh naya karane ja rahe hain to us kshetr se jude anubhawi logon ki salah jaroor len. yadi aap ka wyapar bhagidari men hai to aap apane bhagidar se asantusht rah sakate hain. yadi aapaki bhagidari kisi stri ke sath hai to usamen darar aa sakati hai. yadi kisi aise kam ka prastaw aa raha hai jisamen fatafat paise banane ki bat kahi ja rahi ho to sawadhan ho jayen yah dhokha bhi ho sakata hai. lekin bich-bich men achanak kuchh kam banate bhi rahenge. wyarth ki yatraon se bachen. inase kam banane ki ummid kam hi hai. jokhim uthane ke liye yah upayukt samay nahin hai.

dhan: dhan ko lekar is warsh nirantarata nahin ban payegi. lekin bich-bich men achanak dhan labh hone ki sanbhawana jaroor ban rahi hai. niwesh ke malame men sawadhan rahana jaroori hoga kyonki jokhim bhare kamon men dhan fansane ki sanbhawana hai. jokhim uthane ke liye yah upayukt samay nahin hai. at: is samay tathyajiwi rahen smrtijiwi n bane kyonki is samay poonji niwesh karane se man chaha parinam prapt nahin hoga. shighr paisa banane ke tarikon par achchhi tarah soch wichar kar amal karen. fansa huaa ya ruka huaa dhan prapt karane men pareshaniyan rah sakati hain.

vidya: widyarthiyon ke liye yah warsh kadi mehanat karane par thodi safalata lekar aaya hai. yadi aap koee pariksha de rahe hain to aapaki mehanat ke anuroop aapako parinam nahin milenge. lekin yadi goodh wijnyan aur paramanowijnyan men aapaki roochi hai to usake liye samay anukool hai. samany wyakti ko bhi in kshetron ke kuchh anubhaw prapt ho sakate hain. yadi shiksha ke sandarbh men koee lubhawana prastaw mil raha hai to yah dhokha bhi ho sakata hai at: inase sawadhan rahen. kisi ulte-sidhe pathyakram men prawesh n len. in sabake bawajood aashawadi hona nirashawadi hone se sadaiw achchha hai.

upay:

• naukari aur wyawasay men labh ke liye jamin men surama dafanayen.
• sukh aur samrddhi ke liye bandaron ki sewa karen.
• shiksha aur swasthy men sakaratmak parinam ke liye baragad ke ped ki jadon par mitha doodh chadhanyen.
• bahate pani men nariyal bahayen tatha jhoothe wade, ghamand w gali dene se bache aur mathe par kesar ka tilak lagayen.
• shukr mantr "om dran drin draun s: shukray nam:" ka jap karen.